*جنّت میں اب یقیناً اُن کا قیام ہوگا*
------------------
*✍🏻حیدر میواتی ندوی*
------------------
اہلِ نظر جہاں سے اُٹھتے ہی جارہے ہیں,
ماہ و نجومِ عالم چھپتے ہی جارہے ہیں.
------------------
علم و ادب کی بزمیں ویران ہوگئی ہیں,
علمی دِئے مسلسل بُجھتے ہی جارہے ہیں.
------------------
پے در پے مشکلیں ہیں,دلہائے ناتواں پر,
صدمات بجلی بن کر گرتے ہی جارہے ہیں.
------------------
دل سوز ہی جو خبریں موصول ہورہی ہیں,
تھک کر بھی "انا للّٰہ "پڑھتے ہی جارہے ہیں.
------------------
آنکھوں سے آنسوؤں کا دریا رَواں دَواں ہے,
فرقت میں اُن کی, آنسو بہتے ہی جارہے ہیں.
------------------
جنّت میں اب یقیناً اُن کا قیام ہوگا,
صدق و صفا کے پیکر گھٹتے ہی جارہے ہیں.
------------------
اِک بار تو یہ کہدو ناراض ہم نہیں ہیں,
نظریں بچا کے ہم سے چلتے ہی جارہے ہیں.
------------------
وعدہ وفائی کا تھا دعویٰ کیا جنہوں نے,
وعدہ خلافیاں وہ کرتے ہی جارہے ہیں.
------------------
مَسْنَد حدیث کی ہو, منبر ہو,خانقاہ ہو,
سب علمی مسندوں سے اُٹھتے ہی جارہے ہیں.
------------------
سوزِ درونِ دل یہ کیسے بیاں ہو حیدر,
لقمہ اجل کا رہبر بنتے ہی جارہے ہیں.
------------------
22/7/2020, , بروز بدھ,